O Cafés Candelas Breogán xogará en A Coruña o inicio do seu play off de ascenso. Os dous primeiros partidos serán o venres 22 (21:00h.) e o domingo 24 (12:00h.) en Riazor. As entradas están á venda en internet na páxina oficial do Leyma Básquet Coruña e os interesados poderán reservar praza nos autocares do club para as dúas citas da fin de semana.
O prezo por praza será de 6€ e será imprescindible a reserva e o abono da mesma nas oficinas do club nos seguintes horarios: Martes 19, mércores 20 e xoves 21 de 17:00 a 20:00 horas e venres de 10:00 a 14:00 horas (VENRES SO PARA BUS DO DOMINGO).
A saída dos autocares estará supeditada a que se cubran un mínimo de prazas.
Os menores de idade que viaxen sos deberán presentar unha autorización por escrito de pais ou titores.
Horarios de saída de autocares:
VENRES 22: Saída ás 18:45 horas do aparcadoiro do Pazo dos Deportes. Regreso tralo partido.
DOMINGO 24: Saída ás 9:45 horas do aparcadoiro do Pazo. Regreso tralo partido.
(Para axilizar a venda rogamos, na medida do posible, que se acuda co importe exacto. Grazas!! )
