O Cafés Candelas xogará ante Leyma Coruña na primeira rolda de play off
Derbi galego para abrir boca no play off de ascenso. O Leyma Básquet Coruña de Tito Díaz será o primeiro rival do Cafés Candelas. O equipo herculino asinou unha moi boa liga regular que o levou a ser quinto clasificado e enfrontarase, con vantaxe de cancha, ao equipo lucense. O primeiro encontro será o vindeiro venres 22 de abril en Riazor, e o segundo, o domingo 24 no mesmo escenario, antes de levar a eliminatoria ao Pazo.